Sky Sport-ը ներկայացրել է Բրազիլիայի ազգային հավաքականի հետաքրքիր մեկնարկային կազմը, որը կազմված է միայն Ներաձուրրիի մարզաշապիկով երբևէ հանդես եկած ֆուտբոլիստներից: Sky-ի լրագրողները` այսօր կայանալիք Բրազիլիյա - Իտալիա հանդիպման քննարկման ժամանակ, կազմել են Բրազիլիա-Ինտեր թիմը, որն արդյունքում այսպիսինն է ստացվել. դարպասապահն, իհարկե, Ժուլիո Սեզարն է, պաշտպանության եզրերում Մայկոնն ու Ռոբերտո Կառլոսն են, իսկ կենտրոնում` Լուսիոն և երիտասարդ Ժուան Ժեսուսը: Կիսապաշտպաններ` Տիագո Մոտտա, Ժաիր և Մաքսվել, և վերջապես, հարձակման գծում` Ռոնալդո և Ադրիանո, իսկ նրանց թիկունքում` Կոուտինյո: Արդյունքում, իսկապես, ֆենոմենալ թիմ է ստացվել!