FcInter.am

Ա Սերիա. Թոփ 3 հարձակվողները

tiko11 — Sat, 30 Jan 2021 22:26:25 GMT

Շարունակում ենք ներկայացնել Ա Սերիայի 1-ին կեսի լավագույններին: Այս անգամ հերտը թոփ 3$CUT$ հարձակվողներինն է:

Դիտել նաև`
Ա Սերիա. Թոփ 3 պաշտպանները
Ա Սերիա. Թոփ 3 կիսապաշտպանները

1) Ռոմելու Լուկակու

Ռոմելու Լուկակուն հիանալի մրցաշրջան է անցկացնում իր ուսերի վրա է տանելով թիմին և նրա ներդրումը հսկայական է Ա Սերիայում 2-րդ հորիզոնականը զբաղեցնող թիմում: Բելգիացին 19 խաղերում իր հաշվին ունի 12 գոլ և 3 գոլային փոխանցում: Նրա ուժը և կարողությունը մրցակցի պաշտպաններին անընդհատ դժվարությունների մեջ դնել է: Պետք չէ նաև մոռանալ նրա հիանալի խաղի մասին մեջքով դեպի դարպասը: Եվրո-գավաթներից դուրս մնալը նրան թույլ կտա ամեն խաղին լավ մարզավիճակով մոտենալ խաղին և լավ պատրաստված: 27 տարեկան հասակում նա մտնում է իր կարիերայի ամենալավ ժամանակաշրջանին և նա ապացուցում է, որ համարվում է Եվրոպայի լավագույն հարձակվողներից մեկը;

2) Զլատան Իբրահիմովիչ

"Չծերացող" Զլատանը շարունակում է զարմացնել: Ռոսոներիների ծեր առյուծը 9 խաղում 12 գնդակ է հեղինակել: 40 տարեկանում նա երազում է Միլանի հետ միասին նվաճել Սկուդետոն: Զլատանի թիմակիցները ապացուցեցին, որ կարող են արդյունք ապահովել առանց նրա և նա կարող է հույս դնել նրանց վրա: Եթե նա կարողանա պահել իր լավ ֆիզիկական մարզավիճակը, ապա Միլանը նվազագույնը կնվաճի չեմպիոնների լիգայի ուղեգիր:

3) Կրիշտիանո Ռոնալդո

Ռոնալդոն նույնպես չծերացող է թվում: Նա կդառնա 36 տարեկան փետրվարի 5-ին և կարողանում է նշաձողը շատ բարձր պահել: Միջինը նա գոլի հեղինակ է դառնում ամեն խաղում մեկ անգամ` 15 գոլ 15 խաղում: Վիճակագրությունը խոսում է ամեն ինչի մասին: Անհավանական աշխատասիրության շնորհիվ պորտուգալացին կարողանում է մարզավիճակի նշաձողը բարձր պահել: Նրա գավաթներ նվաճելու ծարավը կստիպի Յուվենտուսին մինչև վերջ պայքարել միլանյան երկու ակումբների հետ սկուդետոյի համար:

Ա Սերիա. Թոփ 3 կիսապաշտպանները

tiko11 — Fri, 29 Jan 2021 19:18:56 GMT

Շարունակում ենք ներկայացնել Ա Սերիայի առաջին հատվածի լավագույններին: Լավագույն երեք կիսապաշտպաններին ներկայացնում ենք ստորև:

1) Հենրիխ Մխիթարյան

Հենրիխ Մխիթարյանը 8 գոլային փոխանցումով առաջին հորիզոնականում է Ա Սերիայում: Մխիթարյանը նաև միակն է Թոմաս Մյուլերի և Հարի Քեյնի հետ միասին՝ հեղինակելով 8-ական գոլ և գոլային փոխանցում եվրոպական թոփ 5 առաջնություններում: 32 տարեկանում Հենոյի մոտ, կարծես թե, երկրորդ երիտասարդությունն է սկսվել և նա ճախրում է խաղադաշտում և դարձել է Ռոմայի առաջատարը: Մխիթարյանը կարողանում է մեկ ճիշտ կասեցումով շրջանցել մրցակցին: Շատ լավ տեսնում է դաշտը, հարկ եղած դեպքում ինքն իրեն կարողանում է դուրս բերել նպաստավոր դիրք` հարվածելու համար: Այսօրվա Ռոմայի հաջողություններում իր մեծ ներդրումը ունի հենց Մխիթարյանը:

2) Նիկոլո Բարելա

22 տարեկանում Բարելան արդեն դարձել է Անտոնիո Կոնտեի ամենաշատ խաղաժամանակ ստացող ֆուտբոլիստը: Մրցաշրջանի կեսին արդեն հասցրել է 2 գոլի և 2 գոլային փոխանցման հաղինակ դառնալ: Բարելայի ոչ թե իր խփած գոլերը կամ փոխանցումներն են զարմացնում, այլ նրա խաղադաշտում մեծածավալ աշխատանքը: Գնդակի հետ ճիշտ վարվելու ունակություն, գնդակի կասեցման վարպետություն, ֆիզիկական լավ պատրաստավածություն, ինչը նրան թույլ է տալիս միանալ գրոհներին: Անկասկած նա կլինի Ռոբերտո Մանչինիի գլխավոր զենքերից մեկը "Եվրոյում":

3) Ֆրանկ Կեսյե

Կոտ դ'Իվուարցի կիսապաշտպանը, իհարկե, ռոսսոներիների հաջողությունների ամենակարևոր բանալիներից մեկն է: 24 տարեկան հասակումմ կարծես թեմ Կեսյեն կարողացավ իր պոտենցիալը օգտագործել: Իհարկե սա նրա ամենահաջող մրցաշրջանն է Միլանի կազմում՝ 6 գոլ և 3 գոլային փոխանցումով: Հենակետային կիսապաշտպանը կարողանում է միանալ հարձակմանը և հասցնել օգնել պաշտպաններին: Նրա գլխավոր ուժը իհարկե գնդակը գետնից փոխանցումներով տեղափոխելն է մրցակցի կիսադաշտ:

Ա Սերիա. Թոփ 3 պաշտպանները

tiko11 — Thu, 28 Jan 2021 19:59:21 GMT

Եվ այսպես առաջին շրջանը ավարտված է և արդեն կարող ենք ավելի խորը վերլուծություններ կատարել Ա Սերիայի շրջանակներում: Ներկայացնում ենք Ա Սերիայի լավագույն պաշտպանների թոփ 3-ը:$CUT$

1) Տեո Հերնանդես (Միլան)

Տեո Հերնանդեսին կարող ենք համարել առաջնության բացահայտումներից: Միլանի ձախ պաշտպանը փայլուն կերպով միանում է հարձակմանը: Տեոն հանդիսանում է Ռոսսոներիների հաջողության ամենակարևոր մասնիկներից մեկը: Պիոլին նրան մեկնարկային կազմում է ընդգրկել 16 անգամ, այդ խաղերում պաշտպանը կարողացել է աչքի ընկնել 3 գոլային փոխանցումով և 4 գոլով: 90 րոպեների ընթացքում հասցնում է փակել ձախ եզրը ամբողջ երկարությամբ: Իհարկե, դեռ կատարելագործվելու տեղ ունի պաշտպանվելիս:

2) Մատիաս Դե Լիխտ (Յուվենտուս)

Հոլանդացի 21-ամյա պաշտպանը ապշեցուցիչ խաղ է ցուցադրում Ա Սերիայի 1-ին հատվածի խաղերում: Յուվենտուսը ամենաքիչ գնդակ ընդունող թիմն է համարվում և դրանում իր մեծ ներդրումը ունի հենց Դե Լիխտը: Ֆիզիկապես հիանալի պատրաստվածություն, դիրքը ճիշտ ընտրելու բարձր ինտելեկտ և խաղը կարդալու լավ ունակություններ: Նա կարող է դառնալ և երկար ժամանակ մնալ աշխարհի լավագույն պաշտպանների ցանկում: :

3) Ալեսանդրո Բաստոնի (Ինտեր)

Թոփ 3-ը եզրափակում է Ալեսանդրո Բաստոնին: Եվս մեկ երիտասարդ ֆուտբոլիստ, ով զարմացնում և հիացնում է իր խաղով: Եթե Իտալիայում "նոր Մալդինի" և "նոր Նեստա" էին համարում Կալդարային կամ Ռուգանիին, ապա հիմա արդեն իսկ պարզ է, որ Բաստոնին Իտալիայի հավաքականի ապագան է: Նրա խաղը տեսնելու ունակությունը շատ որոշիչ կարող է դառնալ խաղի ընթացքում, ինչպես Յուվենտուսի դեմ խաղում: Իր հասակի և ճիշտ դիրք ընդունելու շնորհիվ 2-րդ հարկում հիանալի է գործում:

Հաջորդիվ սպասեք Լավագույն կիսապաշտպանների թոփ 3-ը

Տրանսֆերային նորություններ

tiko11 — Mon, 20 Apr 2020 09:54:49 GMT

Այս պահին բոլոր ակումբները այս դադարը օգտագործում են տրանսֆերային բանակացություններ վարելու համար:$CUT$

GDS. Ինտերը շատ մոտ է անվճար թիմ հրավիրելու Դրիս Մերտենսին, ում պայմանագիրը Նապոլիի հետ ավարտվում է այս ամռանը: Պայմանագիրը նախատեսված կլինի 2 տարով, տարեկան 6մլն եվրո աշխատավարձով:

GDS. Մեկ այլ ֆուտբոլիստ կարող է հայտնվել Ինտերում անվճար: Խոսքը գնում է Տոտենհեմի կենտրոնական պաշտպան Յան Վերտոնգենի մասին, ով չի պատրաստվում երկարաձգել պայմանագիրը լոնդոնյան ակումբի հետ:

GDS. Իտալացի խոստումնալից և տաղանդավոր կիսապաշտպան Տոնալին իր համաձայնությունն է տվել Ինտեր տեղափոխվելուն: Ինտերը պատրաստ է 40մլն և ավելին ներդնել երիտասարդ տաղանդին ձեռք բերելու համար:

Tuttosport. Ինտերը բանակցություններ է վարում Ռայոլայի հետ` Մոյզե Կինի տրանսֆերը գնելու նպատակով: Էվերտոնը հարձակվողին գնահատում է 25մլն եվրո: Գաղտնիք չէ, որ Կինը մանկուց Ինտերի երկրպագու է:

Bild. Բավարիան պատրասվում է գնել Իվան Պերիշիչի տրանսֆերը: Գերմանական ակումբը կվճարի 20մլն եվրոյից մի փոքր քիչ գումար խորվաթ վինգերի համար:

Romano. Լաուտարո Մարտինեսը չի տեղափոխվի Բարսելոնա: Ոչ մի ակումբ այս պահին իրեն չի կարող թույլ տալ մեծ գումարներ ծախսել կորոնավիրուսի պատճառով կրած կորուստներից հետո: Ինտերը և Բարսելոնան դադարել են բանակցել:

Don Balon և Sky. ՊՍԺ-ն պատրաստվում է գնել Մաուրո Իկարդիի տրանսֆերը: Արգենտինացի հարձակվողը իր նախապատվությունը տալիս է Ատլետիկո Մադրիդին, Դիեգո Սիմիոնեի գլխավորությամբ խաղալու համար:

FcInterNews.it. Լոկոմոտիվը պատրաստվում է գնել Ժոաո Մարիոյի տրանսֆերը 18մլն եվրոյի դիմաց, սակայն պորտուգալացու համար պայքարին միացել է ֆրանսիական Մարսելը: Մի բան հստակ է` Ժոաո Մարիոն չի վերադառնա Ինտեր:

Սան Սիրո մարզադաշտի նոր պրոյեկտը (Վիդեո)

ashxen91 — Tue, 24 Sep 2019 09:22:54 GMT

Համացանցում են հայտնվել Սան Սիրո մարզադաշտի նոր պրոյեկտի մանրամասները $CUT$տեսանյութի տեսքով։ Ըստ տեղեկությունների մարզադաշտը, ընդհանուր համաձայնության դեպքում, կարող է պատրաստ լինել մինչ 2025 թվականը։

Ինտերի հավանական կազմը Սլավիայի դեմ

tiko11 — Tue, 17 Sep 2019 08:21:19 GMT

Այսօր Ինտերը սեփական հարկի տակ Չեմպիոնների Լիգայի շրջանակներում կմրցի Սլավիա Պրահա ակումբի դեմ: $CUT$Հաշվի առնելով Ինտերի խիտ գրաֆիկը առաջիկա 3 շաբաթներում և այս շաբաթ օրը Միլանյան դերբին, ապա Կոնտեն հանգստի իրավունք կտա որոշ ֆուտբոլիստների:

Sky Sport-ի համոզմամբ Գոդինի փոխարեն խաղադաշտ դուրս կգա Դանիլո Դ'Ամբրոզիոն: Կենտրոնական գծում Վեսինոն կփորխարինի Բարելային: Հարցականի տակ է Կանդրեվայի խաղադաշտ դուրս գալը և հավանական է իր պաշտոնական նորամուտը նշի Լազարոն:

Չնայած նրան, որ Լուկակուն մեջքի հետ կապված խնդիրներ ունի թիմի գլխավոր մարզիչը հարձակվողին առաջին րոպեներից խաղադաշտ դուրս կբերի, իսկ նրա կողքին կլինի Մարտինեսը:

Հավանական մեկնարկային կազմը
(3-5-2): 1 Հանդանովիչ; 33 Դ'Ամբրոզիո, 6 Դե Վրեյ, 37 Շկրինիար; 87 Կանդրեվա, 77 Բրոզովիչ, 12 Սենսի, 8 Վեսինո, 18 Ասամոա; 9 Լուկակու, 10 Մարտինես.

Իկարդին դատի է տվել Ինտերին

tiko11 — Fri, 30 Aug 2019 20:12:39 GMT

Մաուրո Իկարդին դատի է տվել Ինտերին, տեղեկացնում է Ջանլուկա դի Մարցիոն:$CUT$

Մոնակոն պաշտոնական առաջարկ է արել Իկարդիին և վերջինս մինչ այսօր դեռ պատասխան չի տվել տեղափոխության համար, իսկ դրա փոխարեն նա դատի է տվել իր իսկ ակումբին:

Երեկ 21:43-ին ֆուտբոլիստի փաստաբանը էլեկտրոնային նամակով դատական հայց է ուղարկել Ինտերին, որի մեջ նշված է փոխհատուցում 1.5մլն եվրո, ինչպես նաև մարզումների վերականգնում: Այդ փաստը զայրացրել է Ինտերի ղեկավարներին:

Հիշեցնենք, որ Մաուրո Իկարդին այս ամառ մերժեց բոլոր հնարավոր տարբերակները թիմը լքելու համար, սպասելով, հավանաբաար, իր համար բաղձալի թիմի առաջարկին:

Ինտերը 2 գործարք կիրականացնի այս շաբաթ

tiko11 — Mon, 26 Aug 2019 16:59:04 GMT

Ինչպես տեղեկացնում է Ջանլուկա դի Մարցիոն, $CUT$Ժոաո Մարիոն մոտ օրերս կտեղափոխվի ռուսական Լոկոմոտիվ: Ֆուտբոլիստը համաձայնություն է տվել տեղափոխությանը, իսկ ակումբները համաձայնության են հասել վարձավճար` գնման իրավունքի տարբերակով: Լոկոմոտիվը հնարավորություն կունենա 18մլն եվրոյի դիմաց գնել պորտուգալացու տրանսֆերը հաջորդ ամառ:

Հաջորդ գործարքն, արդեն սպասված, Ալեքսիս Սանչեսն է: Ինտերը և Մանչեսթեր Յունայթեդը համաձայնության են հասել ֆուտբոլիստի տրանսֆերի շուրջ և պակասում են միայն ստորագրությունները: Սանչեսը Ինտեր կտեղափոխվի անվճար վարձավճարով և ֆուտբոլիստի աշխատավարձի մի մասը կվճարի անգլիական ակումբը:

Սանչեսը տեղափոխվում է Ինտեր

tiko11 — Sun, 18 Aug 2019 22:28:25 GMT

Մանչեսթեր Յունայթեդի հարձակվող Ալեքսիս Սանչեսը այս շաբաթ կտեղափոխվի Ինտեր, տեղեկացնում է Ջանլուկա դի Մարցիոն:$CUT$

30-ամյա ֆուտբոլիստը համաձայնվել է 2 անգամ նվազեցնել իր աշխատավարձը, իսկ անգլիական ակումբը կվճարի նրա աշխատավարձի մի մասը Ինտերում: Սանչեսը կտեղափոխվի Ինտեր վարձավճարով, իսկ միլանյան ակումբը հնարավորություն կունենա նրան գնելու 15մլն եվրոյի դիմաց:

Սպասվում է, որ ֆուտբոլիստը կժամանի Միլան երեքշաբթի օրը և նույն աղբյուրի համաձայն ֆուտբոլիստը արդեն ամրագրել է 7 համարը:

Պաշտոնական. Ինտերի հարձակվողը տեղափոխվեց Իսպանիա

tiko11 — Sat, 17 Aug 2019 12:11:42 GMT

Ինչպես տեղեկացնում է Ինտերի պաշտոնական կայքը Սամուել Լոնգոն կարիերան կշարունակի $CUT$Դեպորտիվո Լա Կորունյաում: Լոնգոն մեկ մրցաշրջան վարձավճարով կանցկացնի իսպանական ակումբում և ակումբը հնարավորություն կունենա գնել նրա տրանսֆերը:

Հաջողություն ենք մաղթում: