Ալեսանդրո Ալտոբելլի - Լեգենդներ - Լեգենդներ

Ալեսանդրո Ալտոբելլի

Ալեսսանդրո Ալտոբելլի (իտալ.Alessandro Altobelli, ծնվել է 1955 թվականի նոյեմբերի 28 - ին, Սոննինո, Լատինա, Իտալիա) - նախկին Իտալացի ֆուտբոլիստ, վառ ընդգծված հարձակվող, 80-ական թվականների լավագույն ֆուտբոլիստներից մեկը: 11 մրցաշրջան հանդես է եկել միլանյան Ինտերում, որի կազմում տարբեր մրցաշարերի ընթացքում անցկացրել է 466 հանդիպում, դարձել է 209 գոլի հեղինակ: Երկու անգամ Ինտերի հետ միասին նվաճել է Իտալիայի գավաթը (1977/78, 1981/82-թ.), մեկ անգամ դարձել Իտալիայի չեմպիոն (1979/80-թ.): 1985 թվականից մինչև 1988 թվականը կրել է ավագի թևկապը: Ինտերի կազմում իր առաջին հանդիպումն անցկացրել է 1977 թվականի օգոստոսի 21-ի, Իտալիայի Գաավթ Կոմո - Ինտեր (0-2): Իսկ վերջին հանդիպումը եղել է 1988 թվականի մայիսի 8-ին կայացած Չեզենա - Ինտեր (2-2) Առաջին հանդիպումը Իտալիայի հավաքականում կայացել է 1980 թ. հունիսի 18 - ին Եվրոպայի առաջնության ժամանակ, որը կայացել է հենց Իտալիայում: Բելգիայի դեմ հանդիպման ժամանակ խաղադաշտ է դուրս եկել երկրորդ խաղակեսի առաջին րոպեներից: 3-րդ տեղի համար պայքարում՝ չեխոսլովակիայի դեմ հանդիպման ժամանակ Ալտոբելլին մեկնարկային կազմում էր, և խաղադաշտում մնաց մինչ խաղի ավարտը: 1988 թվականին կայացած Եվրոպայի առաջնության ժամանակ Ալտոբելլին կրում էր Իտալիայի հավաքականի ավագի թևկապը, 4 անգամ փոխարինման դուրս գալով դարձել է 1 գոլի հեղինակ: 1982 թվականի աշխարհի առաջնության ժամանակ, որտեղ Իտալիայի հավաքականը նվաճել է ոսկե մեդալը, Ալտոբելլին երեք անգամ փոխարինման է դուրս եկել, մեկ գոլ է հեղինակել եզրափակիչ հանդիպման ժամանակ, փոխարինելով 7-րդ րոպեին վնասվածք ստացած Ֆրանչեսկո Գրացիանիին (պատմության մեջ դառնալով առաջին ֆուտբոլիստը, ում հաջողվել է աշխարհի առաջնության հանդիպումների եզրափակիչ հանդիպման ժամանակ փոխարինման դուրս գալով դառնալ գոլի հեղինակ): 1986 թվականին Մեքսիկայում կայացած աշխարհի առաջնության ժամանակ Ալտոբելլին իր անվան տակ է գրանցել Իտալիայի հավաքականի խփած 5 գոլերից 4 - ը (իսկ մեկ գոլ էլ Իտալիայի դեմ հանդիպման ժամանակ սեփական թիմի դարպասն են գրավել Հարավային Կորեայի ֆուտբոլիստները): Ալտոբելլին հավաքականում իր կարիերան ավարտել է այն բանից հետո, երբ 1988 թ. կայացած Եվրոպայի առաջնության կիսաեզրափակիչ հանդիպման ժամանակ Իտալիան պարտվել է ԽՍՀՄ - ի հավաքականին: Այդ ժամանակ Ալեսսանդրո Ալտոբելլին Իտալիայի հավաքականի ամենափորձառու ֆուտբոլիստն էր: Ֆուտբոլային կարիերան ավարտել է 1990 թվականի հունիսին, 34 տարեկան հասակում, Իտալիայի Բ Սերիայում հանդես եկող Բրեշիայում: Ֆուտբոլիստի որդին՝ Մատտիա Ալտոբելլին, ֆուտբոլ խաղալ սկսել է Ւնտերի դպրոցում, բայց ցավոք նրա կարիերան չստացվեց: Մի քանի անգամ վարձավճարով այլ ակումբներ տեղափոխվելուց հետո նա մեկ տարով մեկնեց Շվեյցարական Կյասսո ակումբ: Ներկա պահին հանդես է գալիս Իտալիայի երրորդ դիվիզիոնում հանդես եկող Լեկկոյի կազմում: Ալեսսանդրո Ալտոբելլին Ալ-Ջազիրա հեռուստաալիքում աշխատում է որպես ֆուտբոլային վերլուծաբան: Ձեռքբերումները՝ Աշխարհի առաջնություն - 1982 Իտալիայի առաջնություն - 1979/80 Իտալիայի գավաթի հաղթող - 1977/78, 1981/82 Ալեսսանդրո Ալտոբելլիի լավագույն 10 գոլերը Ինտերի կամզում` Թարգմանությունը ռուսերենից հայերեն : Հակոբ Օհանյան Տարածելու դեպքում FcInter.am կայքի հղումը պարտադիր է
1 2 3 4 5 Կատեգորիա: Լեգենդներ \| Ավելացրեց: Hako (21.12.2012)
Դիտումներ: 2020 \| Մեկնաբանություններ: 1 \| - Վարկանիշ -: 5.0/1

Մեկնաբանություններն ընդամենը՝: 1

Comments display order:

Spam

1 ashxen91 (22.12.2012 03:04) [Материал]

merci nyuti hamar ^_^ apsos vor menq Altobellii u ira nman urish Interi legenderi xaxery chenq tesel, menak videoner u golery, iran asum ein Spillo, nshanakuma Ասեղ, chgitem xia tenc :)))