Ա Սերիայում հանդես են եկել համաշխարային աստղեր, ովքեր ժամանակին եղել են Աշխարհի լավագույն ֆուտբոլիստներից: 1980թ-ից մինչ այսօր Ա Սերիայի լավագույն արտերկրացի ֆուտբոլիստները տեղ են գտել այս տասնյակում:

10. Զիկո (Ուդինեզե)

Արթուր Անտունես Կոիմբրա կամ պարզապես` Զիկո: Բրազիլացի կիսապաշտպանի իտալական ակումբը եղել է Ուդինեզեն, որտեղ նա հանդես է եկել 1983-85թ.: Զիկոն Իտալիա է տեղափոխվել Ֆլամենգոյից, իսկ կարիերան ավարտել է ճապոնական Կաշինա Ատլերս ակումբում:

Նվաճումներ` Բրազիլիայի քառակի չեմպիոն, մեկական Լիբերտադորեսի և Ինտերկոնտինենտալի գավաթ, 7 անգամ Ռիո դե Ժանեյրո մրցաշարի հաղթող:

9. Կառլ-Հայնց Ռումենիգե (Ինտեր)

Գերմանացի հարձակվող Կառլ-Հայնց Ռումենիգեն Ինտեր է տեղափոխվել Բավարիայից 1984թ և իտալական ակումբում անցկացրել է երեք մրցաշրջան, իսկ կարիերան ավարտել է շվեյցարական Սերվետում: Ռումենիգենը դարձել է Գերմանիայի, Շվեյցարիայի և Եվրոպայի առաջնությունների ռմբարկու: Իր կարիերայի ընթացքում անցկացրել է 519 հանդիպում և դարձել 265 գոլի հեղինակ: Ներկայումս հանդիսանումէ Մյունխենի բավարիայի գլխավոր տնօրենը:

Նվաճումներ` Եվրոպայի չեմպիոն, Չեմպիոնների Լիգայի, Գերմանիայի առաջնության և Գերմանիայի գավաթի երկակի հաղթող, 1 անգամ նվաճել է Ինտերկոնտինենտալի գավաթը

8. Զլատան Իբրահիմովիչ (Յուվենտուս, Ինտեր, Միլան)

Զլատան Իբրահիմովիչը հանդես է եկել իտալական երեք գրանդ ակումբներում: Շվեդ ֆուտբոլիստը Ա Սերիայում հայտնվեց Այաքսից, որտեղ Յուվենտուսի հետ անցկացրեց երկու տարի, այնուհետև տեղափոխվեց Ինտեր:

Նվաճումներ` 3 անգամ ճանաչվել է Ա Սերիայի լավագույն ֆուտբոլիստ, 8 անգամ Շվեդիայի լավագույն ֆուտբոլիստ, երկուական անգամ Ֆրանսիայի առաջնության լավագույն ֆուտբոիստ և ռմբարկու, հաղթել է ակումբային գրեթե բոլոր գավաթները իր ակումբների հետ, սակայն չի հաջողվել նվաճել Չեմպիոնների Լիգայի գավաթը:

7. Խավիեր Զանետի (Ինտեր)

Ինտերի լեգենդ Խավիեր Զանետին, ով համարվում է ռեկորդակիր անցկացրած խաղերի քանակով: Նա ամենաշատ խաղերն է անցկացրել իտալական առաջնությունում՝ առաջ անցնելով բոլոր այլ լեգիոներներից: Ինտեր նա տեղափոխվել է արգենտինական Բենֆիլդից և 20 տարի նվիրել սև-կապույտ մարզաշապիկին:

Նվաճումներ` Զանետին իր կարիերայի ընթացքում հաղթել է բոլոր հնարավոր գավաթները՝ թե՛ Իտալիայի, թե՛ Եվրոպայի:

Ռեկորդներ` 615 հանդիպում Ա Սերիայում, 145 հանդիպում Արգենտինայի հավաքականում, Ամերիկայի գավաթում անցկացրել է 22 խաղ, Ա Սերիայում անընդմեջ հանդիպումներ 13, 46 միլանյան դերբի, 160 հանդիպում Եվրոպայի գավաթի և այլ բազմաթիվ ռեկորդներ:

6. Լոտար Մատեուս (Ինտեր)

Գերմանացի կիսապաշտպանի իտալական ակումբն է եղել միլանյան Ինտերը, որտեղ նա տեղափոխվել է Բավարիայից: Չորս տարի անցկացնելով Իտալիայում Մատեուսը վերադարձել է Բավարիա: 1990թ արժանացել է ոսկե գնդակին:

Նվաճումներ` Աշխարհի և Եվրոպայի չեմպիոն, 7 անգամ Գերմանիայի չեմպիոն, մեկական անգամ Ա Սերիայի և Գավաթի հաղթող, 2 անգամ Ուեֆայի գավաթակիր:

5. Զինեդին Զիդան (Յուվենտուս)

Ֆրանսիացի կիսապաշտպան Զինեդին Զիդանը իտալական Յուվենտուս է տեղափոխվել ֆրանսիական Բորդո ակումբից և Իտալիայում անցկացրել է 5 տարի, այնուհետև ահռելի մեծ գումարի դիմաց(այն տարիների համար) տեղափոխվել է արքայական ակումբ՝ Ռեալ Մադրիդ: Զիդանը Յուվենտուսի կազմում արժանացել է ոսկե գնդակին: Կարիերան Զիդանը ավարտեց իր հայտնի գլխի հարվածով գետնին տապալելով Մատերացիին՝ Աշխարհի Առաջնության եզրափակչում:

Նվաճումներ` Զիզուն նվաճել է Աշխարհի և Եվրոպայի գավաթը, հաղթել է Չեմպիոնների լիգայի գավաթը, Իտալիայի և Իսպանիայի առաջնության հաղթող:

4. Ռոնալդո (Ինտեր, Միլան)

Ռոնալդո Լուիս Նազարիո դե Լիմա կամ պարզապես Ռոնալդո: Բրազիլացի հարձակվողը Իտալիայում իր լավագույն տարիները անցկացրել է Ինտերում, իսկ Միլան տեղափոխվեց Մադրիդի Ռեալից և անցկացրեց ընդամենը մեկ մրցաշրջան: Ինտերում 99 խաղերում Ռոնալդոն խփել է 59 գոլ: Բրազիլացին 1997 և 2002թ դարձել է Ոսկե գնդակի հաղթող:

Նվաճումներ`2 անգամ նվաճել է Աշխարհի Առաջնության գավաթը, 1 անգամ նվաճել է Ինտերկոնտինենտալի գավաթը, մեկական անգամ Ուեֆայի և Գավաթակիրների գավաթը և այլ շատ գավաթներ:

3. Միշել Պլատինի (Յուվենտուս)

Ֆրանսիացի հայտնի ֆուտբոլիստ և այժմ արդեն Ուեֆայի նախագահ Միշել Պլատինին իտալական Յուվենտուսում անցկացրել է հինգ տարի: Պլատինին երեք անգամ նվաճել է Ոսկե գնդակը:

Նվաճումներ` Իտալիայի և Ֆրանսիայի գավաթակիր և առաջնության հաղթող, Եվրոպայի առաջնության գավաթակիր և այլ շատ գավաթներ

2. Մարկո Վան Բաստեն (Միլան)

Մարկո Վան Բաստենը Միլան է տեղափոխվել հոլանդական Այաքս ակումբից և կարիերայի 8 տարիներ նվիրել Միլանին: Հոլանդացի հարձակվողին հաջողվել է երեք անգամ նվաճել Ոսկե գնդակը:

Նվաճումներ` Եվրոպայի գավաթակիր և լավագույն ռմբարկու, երեքական անգամ հաղթել է Իտալիայի և Հոլանդիայի առաջնություններում, երկու առաջնությունների լավագույն ռբարկու և այլն:

1. Դիեգո Մարադոնա (Նապոլի)

Դիեգո Արմանդո Մարադոնա անունը հայտնի է ինչպես ֆուտբոլային աշխարհում, այնպես էլ նրանից դուրս: Մարադոնան շատ աղմկալից իրավիճակներում է հայտնվել իր կարիերայի ընթացքում: Իտալիայում անցկացրել է 7 տարի: Հանդես է եկել նաև Բարսելոնայում և Բոկա Խունիորսում:

Նվաճումներ` մեկական անգամ հաղթել է Աշխարհի, Կոնֆեդերացիայի գավաթը, Իսպանիայի առաջնությունների հաղթող և 2 անգամ Իտալիայի, դարձել է տարբեր մրցաշարերի լավագույն ռմբարկու: