Գլխավոր էջ » 2014 » Փետրվար » 21 » Տոհիր. Վիդիչը 90%-ով Ինտերում է. Էռնանես, Բրանկա...
02:41 Տոհիր. Վիդիչը 90%-ով Ինտերում է. Էռնանես, Բրանկա... |
Ինտերի նախագահ Էրիկ Տոհիրը ժամանել է Իտալիա և զրուցել լրագրողների հետ: «Մենք լավ ֆուտբոլ ցուցադրեցինք վերջին 2 խաղերում, թիմն ավելի հավասարակշռված էր: Սամուելի շնորհիվ պաշտպանությունն ավելի հուսալի է դարձել»: Էռնանեսի մասին.«Մինչ նրա գալը մեր խաղը կառուցվում էր եզրերով, սակայն այժմ մենք ունենք տարբերակներ նաև կենտրոնում»: Վիդիչի մասին.«Չեմ ասի ոչինչ, բացի նրանից, որ գործարքը կատարված է 90%-ով: Երբ ամեն ինչ ավարտվի, մենք կհայտարարենք պաշտոնապես»: Ի՞նչ կասեք թիմին Կալյարիի դեմ խաղից առաջ.«Ես ոչինչ չեմ ասի, ֆուտբոլիստները պետք է հաճույք ստանան խաղից և անեն ամեն ինչ հաղթանակի համար: Ֆուտբոլում լինում են վերելքներ և անկումներ, ամեն դեպքում մենք պետք է լինենք միասնական թիմ: Այժմ ամեն ինչ լավ է ընթանում, և չէի ցանկանա ճնշել խաղացողներին: Նրանք պետք է իրենց ազատ զգան: Հուսանք` կգրանցվի լավ արդյունք»: Դուք հեռու եք գտնվում թիմից.«Ես ունեմ մարդիկ, որոնց հետ շփվում եմ ամեն օր, և նրանք ինձ շատ են օգնում: Հավատացեք` ակումբը ճիշտ ուղղությամբ է ընթանում. այսօրվա դրությամբ մենք կատարել ենք նախատեսածի 80%-ը»: Դուք կունենա՞ք նոր գործընկեր.«Ոչ, Բարկին այժմ Ինդոնեզիայում է(ծիծաղում է)»: Ո՞վ կփոխարինի Բրանկային.«Նրան պետք է շնորհակալություն հայտնել, նա Ինտերի համար աշխատել է տարիներ շարունակ, սակայն եկել է փոփոխությունների ժամանակը: Բրանկայի հեռանալուց հետո նրա տեղը կզբաղեցնի Աուզիլիոն»:
|
|
Մեկնաբանություններն ընդամենը՝: 3 | |||
|