Ինտերի հարձակվող Դիեգո Ֆորլանի ծառայություններով է հետաքրքրված բրազիլական Սան Պաուլո ակումբը:

Ուրուգվայցի հարձակվողի համար, ով շուրջ վեց ամիս առաջ, Ատլետիկոյից Ինտեր տեղափոխվելուց հետո, դեռևս չի կարողացել իր տեղը գտնել վերջինիս հիմնական կազմում, կարող է տեղափոխվել Բրազիլիա, ուր տեղի Սան Պաուլո ակումբը, նրա տրանսֆերի համար, առաջարկ է ներկայացրել միլանյան գրանդին: 

Հիշեցնենք, որ Ֆորլանը, երկար բացակայությունից հետո, նոր էր շարք վերադարձել, սակայն կրկին վնասվածք է ստացել և դեռևս հստակ չէ, թե որքան կպահանջվի նրանից վերականգնման համար:

Հավելենք նաև, որ Ա Սերիայի ընթացիկ մրցաշրջանում, Ֆորլանը մասնակցել է Ինտերի ընդհամենը ինը հանդիպումների և դարձել մեկ գոլի հեղինակ: