Ինչպես արդեն հայտնի է, Ինտերը ակտիվորեն բանակցություններ է վարում Ռեալ Մադրիդի հետ մի շարք ֆուտբոլիստների համար:

Ինչպես տեղեկացնում է il Giornale-ն, Պյերո Աուզիլիոն մեկնել է Մադրիդ, որպեսզի բանակցային սեղանի շուրջ նստի մադրիդյան ակումբի ղեկավարների հետ` Լուկաս Վասքեսի և Մարկո Ասենսիոյի համար: Նույն աղբյուրը հավաստիացնում է, որ արդեն համաձայնություն կա Ռեալ Մադրիդի հետ Կովաչիչի վարձակալության համար:

Չի բացառվում, որ Իկարդին կարող է մաս կազմել որևէ տրանսֆերի կամ ուղիղ տրանսֆերով տեղափոխվի արքայական ակումբ, քանի որ Ինտերը առաջարկել է արգենտինացու ծառայությունները Ռեալ Մադրիդին և Ատլետիկո Մադրիդին: