Այսօր, հավանաբար, կլինի այն դերբին, որը պատմության մեջ կմտնի որպես Խավիեր Զանետտիի վերջին դերբին: Արգենտինացին այսօր խաղադաշտ դուրս գալու դեպքում կանցնացնի իր կարիերայի 46-րդ դերբին: Այս ամբողջ ընթացքում Կապիտանոն միայն երկու անգամ է դերբին սկսել պահեստայինների նստարանից՝ Իտալիայի Գավաթում (մայիսի 21, 1998, կիսազրափակիչ պատասխան հանդիպում) և 2002 թվականի  նոյեմբերի 23-ին, երբ Կուպերը որոշեց նրան հանգստանալու հնարավորություն տալ Արգենտինայի հավաքականի հետ խաղից հետո:

Իր զարմանահրաշ կարիերայի ընթացքում Զանետտին բաց է թողել միայն մեկ դերբի՝ 1997 թվականի նոյեմբերի 22-ի դերբին, իր երկար կարիերայի ընթացքում ստացած հազվադեպ վնասվածքներից մեկի պատճառով: Միակ գոլը դերբիում Զանետտին խփել է 1999 թ.-ի մարտի 14-ին, երբ խաղն ավարտվեց 2 - 2:

Վիճակագրույթունը փաստում է, որ Իլ Կապիտանոն հաղթել է 18 դերբիում, պարտվել 17-ում և 10-ը ավարտել ոչ-ոքիով:

Հուսանք, որ այսօրվա խաղով նա դերբիների իր վիճակագրությունը դրական արդյունքով կավարտի: