00:44 Իկարդիի գործակալը ներողություն է խնդրում Միլիտոյից
ՖԻՖԱ-ի գործակալ Պինո Լետտեյոն, ով հանդիսանում է նաև Մաուրո Իկարդիի գործակալը, ներողություն է խնդրել Միլիտոյից և նրա ընտանիքից՝ երեկ տարածված տեսանյութի համար, որտեղ նա շնորհավորում է Իկարդիի ծնունդը և պատռում Միլիտոյի լուսանկարը: Այս ժեստը վրդովմունքի բուռն ալիք էր բարձրացրել. ''Ես ցանկանում եմ ներողություն խնդրել Միլիտոյից և նրա ընտանիքից: Գիտեմ, որ իմ արարքը դժգոհություններ է առաջացրել, բայց կցանկանայի նշել, որ դա ընդհամենը ընկերական հաղորդագրություն էր'': Պինոն բացատրեց նկարի հետ դրվագը. ''Յուրաքանչյուրը, ով ինձ ճանաչում է, գիտի՝ ինչքան եմ սիրում Ինտերը ու հարգում Միլիտոյին՝ և՛ որպես խաղացող և՛ որպես մարդ: Այդ հաղորդագրության մեջ, որը պետք է լիներ միայն անձնական, ես ոչ մի նպատակ չունեի վիրավորել կամ լարվածություն ստեղծել Միլիտոյի և Իկարդիի միջև: Բայց այն հայտնվեց ԶԼՄ-ների ձեռքում: Ես ցանկանում էի հույս հայտնել, որ Մաուրոն կարող է անել այն, ինչը կարողացավ անել Միլիտոն, քանի որ տեխնիկապես նրանք շատ նման են: Ես ցանկանում եմ ասել նրան, որ սիրում եմ իրեն, ինչպես Միլիտոյին: Շնորհակալ եմ, որ լրագրողները հնարավորություն տվեցին բացատրել իրավիճակը: Ես կրկին ներողություն եմ խնդրում Միլիտոյից և իր ընտանիքից'': Աղբյուրը՝ canaleinter.it
1 2 3 4 5 Կատեգորիա: Հարցազրույցներ \| Դիտումներ: 1043 \| Ավելացրեց: ashxen91 \| - Վարկանիշ -: 0.0/0