Չիլի ազգային հավաքականի և Միլանի Ինտերի կիսապաշտպան Գարի Մեդելը, դարձավ Ռոմայի դեմ խաղի միակ ու հաղթական գոլի հեղինակը: Tutto Mercato-ին տված հարցազրույցում Մեդելը կիսվել է իր տպավորություններով:

-Ես ուրախ եմ, որ խփեցի իմ առաջին գոլը Ինտերի կազմում: Եվ ավելի հպարտ եմ, որ խփածս գոլը խաղթանակ պարգևեց թիմին: Ռոման խաղին մոտեցել էր լավագույն մարզավիճակում, իսկ մենք ոչ այնքան լավ մարզավիճակում էինք: Մենք հաջողության հասանք առաջին հերթին Հանդանովիչի անձնուրաց խաղի շնորհիվ: Խաղի ավարտին մենք կարող էինք էլի գոլեր խփել, սակայն կարևորը 3 միավոր վաստակելն է: Հիմա երբ մենք վերադարձանք առաջին հորիզոնական, պետք է ամրապնդվենք առաջին հորիզոնականում: