Բելգրադի Պարտիզանը Եվրոպա Լիգայի խմբային փուլի 4-րդ տուրում սեփական հարկի տակ ընդունել էր միլանյան Ինտերին: Այս խաղում Ինտերին նույնիսկ ոչ ոքին դուրս կբերեր փլեյ-օֆֆ փուլ, քանի որ Ռուբինը արդեն հաղթել էր ադրբեջանի Նեֆտչիին:

Ինտերն ուներ շատ մեծ կորուստներ պաշտպանությունում և կիսապաշտպանությունում, հատկապես բացակայում էին վնասվածքի պատճառով Սնեյդերը, Կոուտինյոն, Սամուելը և Ռանոկիան: Ինտերը, Անդրեա Ստրամաչիոնիի գլխավորությամբ, խաղադաշտ էր դուրս եկել 4-5-1 մարտավարությամբ: Ստրաման պահեստայինների նստարանին էր թողել իր հիմնական գոլահարներին` Միլիտոյին, Կասսանոյին և Պալասիոյին, հանգստի իրավունք տալով նրանց:

Առաջին խաղակեսում ավելի շատ գոլային պահեր ունեցան տան տերերը, որոնք գրոհների էին նետվում, որը հասկանալի էր, քանի որ նրանք կորցնելու ոչինչ չունեին, իսկ Ինտերը գնդակ էր պահում և կազմակերպում դիրքային գրոհներ: Առաջին կեսում երկու թիմերից մեկական ֆուտբոլիստ վնասվածքի պատճառով ստիպված եղավ լքելը խաղադաշտը, Ինտերից` Մուդինգային(Գարգանո), իսկ Պարտիզանից` Իլիչիչը(Յոյիչ): Տան տերերը երկու անգամ շատ վտանգավոր պահ ստեղծեցին միլանցիների դարպասին, բայց երկու անգամ հրաշք գործեց "ներաձուրիների" դարպասապահ Հանդանովիչը՝ փրկելով իր թիմին:

Երկրորդ խաղակեսը ակտիվ սկսեցին տան տերերը և շատ մոտ էին հաջողությանը, սակայն իր վերելքի վրա էր Հանդանովիչը: Ինչը չհաջողվեց անել Պարտիզանին, հաջողվեց Ինտերին, Գուարինի փոխանցումից հետո փոխարինման դուրս եկած Պալասիոն կրծքով գնդակը ուղղարկեց դատարկ դարպասը(0-1): Տան տերերը շարունակեցին գրոհել, սակայն ապարդյուն, այս երեկո Հանդանովիչը լավագույն էր Ինտերի կազմում և թույլ չտվեց ոչ մի սխալ: Իսկ արդեն րոպեներ անց, նույն Պալասիոն մեն մենակ մնաց դարպասապահի դիմաց Գուարինի փոխանցումից հետո և խփեց իր և Ինտերի 2րդ գնդակը այս խաղում` ապահովելով Ինտերին Եվրոպա Լիգայի փլեj-օֆֆ փուլում: Խաղավարտին մոտ հյուրերը հաշիվը դարձրեցին խոշոր, փոխարինման մտած Անտոնիո Կասսանոյի հիանալի փոխանցումից հետո, իր հաշվին արդեն երկու գոլային փոխանցում գրանցած Ֆրեդի Գուարինը հաշիվը դարձրեց 0-3: Մրցավարի ավելացրած ժամանակին տան տերերը կարողացան սփոփիչ գոլ խփել՝ արդեն զենքերը վայր դրած Ինտերին(1-3):

Եվ այսպես, անկախ վերջին երկու տուրերի արդյունքից Ինտերը ապահովում է իր տեղը Եվրոպա Լիգայի 2012/13 փլեյ-օֆֆ-ում: