Մեկնարկեց Եվրոպա Լիգայի խմբային փուլը,այսօր միլանյան Ինտերը խմբային փուլի առաջին տուրում հանդիպեց Կազանի Ռուբինին: Անդրեա Ստրամաչիոնին այս խաղին դուրս չէր բերել թիմի առաջատարներից մի քանիսին` այդ թվում Սնեյդերին ու Միլիտոյին, նրանց խնայելով Ա Սերիայի խաղերի համար: Միլանյան երկու գրանդները այս տարի ոչ մի հաղթանակ չեն տոնել "Ջուզզեպպե Մեացցայում": 

Հանդիպման առաջին րոպեները հանգիստ էին անցնում, չնայած վտանգավոր պահեր միշտ կային թիմերի դարպասներին էլ: 3-րդ րոպեին ճիշտ Ուեսլի Սնեյդերի համար տուգանային է վաստակնում Ինտերը, սակայն նա այսօր հայտնվել է պահեստայինների նստարանին: Անտոնիո Կասսանոն դիպուկ է իրացնում տուգանայինը, բայց դարպասապահը այն որսում է: Միլանցիները ազատ գործելու հնարավորություն են տալիս կազանցիներին դաշտի կենտրոնում: 6-րդ րոպեին Ռուբինից Ռոնդոնը վտանգավոր գլխի հարված է կատարում, բայց Հանդանովիչը տեղում էր: Որքան էլ տարօրինակ է կազանցիները առաջին 15 րոպեների ընթացքում ավելի շատ էին տիրում գնդակին և 16-րդ րոպեին Ջոնատանը սեփական տուգանայինի մատույցներում խաղտում է խաղի կանոնները, և Ինտերի դարպասին նշանակվում է 11 մետրանոց հարված: Նախտոի հարվածից հետո Հանդանովիչը ետ է մղում 11մ. հարվածը, բայց կազանցիների մյուս խաղացողը` Ռյազենցևը մյուսներից շուտ է հասնում գնդակին և գրավում դարպասը` 0-1: Առաջին խաղակեսի միջնամասը հանգիստ տեմպով է ընթանում, կարելի է ասել կազանցիները ավելի շատ էին գրոհում: 35-րդ րոպեին Ռուբինից` Էրեմենկոն շատ վտանգավոր հարված կատարեց: 37-րդ րոպեին կազանցիներից զգուշացվում է Բոկետտին: Իսկ արդեն մեկ րոպե անց Ինտերը հիանալի շանս ուներ հաշիվը հավասարացնելու, Ջոնատանը շատ հարմար դիրքում գնդակը ստանում է, բայց նրա հարվածից հետո պաշտպանը փակում է հարվածի ուղղությունը, իսկ վրա հասած Լիվայայի գլխով հարվածը բարձր ընթացավ: Բայց Ինտերը շարունակում է ճնշումը և 39-րդ րոպեին Լիվայան գլխի հարվածով գրավում է դարպասը` երեք պաշտպանների միջից, հաշիվը դարձնելով 1-1: Ստրամաչիոնին վստահելով երիտասարդ այս հարձակվողին չի սխալվել, նա իր գործն արեց: Խաղի վերջին 5 րոպեն կազանցիները գնդակը իրենց մոտ պահեցին` ստեղծելով մի քանի քիչ թե շատ վտանգավոր պահեր, հարկ է նշել Ռյազանցևի վտանգավոր հարվածը, որից հետո գնդակը ետ մղվեց դարպասաձողից: Առաջին խաղակեսը ավարտվում է խաղաղությամբ:

Երկրորդ խաղակեսի հենց սկզբում Ստրամաչիոնին խաղադաշտ է դուրս բերում Գուարինին` Ջոնատանի փոխարեն: Հենց առաջին րոպեներից կազանցիները նետվեցին առաջ և մի քանի վտանգավոր պահեր ստեղծեցին Հանդանովիչի դարպասին: 54-րդ րոպեին Կասսանոն մեն մենակ դուրս բերեց երիտասարդ Լիվայային,սակայն վերջինիս հարվածը բարձր ստացվեց: Եվս մեկ վտանգավոր պահ է ստեղծում Ինտերը, այս անգամ թիմի առաջատար և ավագ Խավեիեր Զանետտին աջ եզրով ներխուժում է կենտրոն և հարվածում դարպասին, սակայն հարվածը բարձր է ընթանում: 61-րդ րոպեին Դիեգո Միլիտոն փոխարինում է Ինտերի միակ գոլի հեղինակ Լիվայային: Խաղի 63-րդ րոպեին միլանցիները շատ վտանգավոր հակագրոհ կազմակերպեցին, սակայն 3-3 դեմ չկարողացանք կոտրել պաշտպանությունը, որին էլ հետևեց կազանցիների հակագրոհը, և մոտ 25 մետր տարածությունից հարվածը շատ վտանգավոր ստացվեց Հանդանովիչի դարպասին: Վտանգավոր տուգանայինի իրավունք ստացած կզանցիները շատ լավ այն իրացրեցին, սակայն այս անգամ միլանցիների պաշտպանները հուսալի գործեցին: 68-րդ րոպեին Պերեյրան դուրս է գալիս խաղադաշտ` Կասսանոյի փոխարեն: Փոփոխոթյուն նաև Ռուբինի կազմում, իսպանացի Պաբլո Օրբաիսն է մտնում խաղադաշտ` Ռյազնեցևի փոխարեն: Ռուբինի կազմում զգուշացվում են Էրեմենկոն և նոր խաղադաշտ դուրս եկած Օրբաիսը: Հանդիպման 84րդ րոպեին կազանցիները հաշվի մեջ առաջ են անցնում, Ռանոկիայի հետ պայքարում հաղթող է դուրս գալիս Ռոնդոնը և գրավում դարպասի հեռավոր անկյունը: 5 րոպե անց խաղի վերջին րոպեին Ինտերի ճապոնացի պաշտպան Յուտո Նագատոմոն վերականգնում է խաղի հավասարակաշռութունը և փրկում Ինտերին պարտությունից, Ինտեր-Ռուբին` 2-2: 

Եվ այսպես, թիմերը վաստակում են մեկական միավոր և "Ջուեզզեպպե Մեացցյում" հաղթելը մնում է անհաղթահարելի միլանյան գրանդների համար: