Ինտեր Կամպուս – Inter Campus
Ինտեր Կամպուսը հանդիսանում է Ինտերնացիոնալե ֆուտբոլային ակումբի շահույթ չհետապնդող նախագիծը, որը հիմնադրել է նախագահ Մասսիմո Մորատտին 1996 թվականի փետրվարի 20-ին:
Այս ծրագրի նպատակն է օգնել կարիքավոր երեխաներին ֆուտբոլային երիտասարդական ծրագրերի միջոցով, որոնք մշակվել են Ինտեր Կամպուսի աշխատակիցների կողմից:
Անձնակազմը
Մասսիմո Մորատտի - Նախագահ
Անջելոմարիո Մորատտի - Գլխավոր տնօրեն
Պաոլո Ամորեզե - Ադնիմիստրատոր
Նիկոլետտա Ֆլուտտի - Հասարակության հետ կապերի և մարքեթինգի մասնագետ
Ալդո Մոնտինարո - Տեխնիկական ոլորտի կազմակերպիչ և մասնագետ
Լաուրա Մորատտի - Հանդիպումների կազմակերպիչ
Մասսիմո Սերենյի - Աֆրիկայում զարգացման համակարգող
Լուիշ Ֆիգու - Տնօրենների խորհրդի անդամ
Մարկո Կապելլինի - Տնօրենների խորհրդի անդամ Մոտ 200 աշխատողներ աշխարհի ավելի քան 20 երկրներում
Նախագծի մասին
![](http://www.inter.it/img/205971-967.jpg)
Դեռ վաղուց աշխարհում շատ երկրներ գոյություն ունեն, որտեղ տնտեսական զարգացումը շատ ցածր մակարդակի վրա է, երկրներ, որտեղ շատ բնական աղետներ են տեղի ունեցել, երկրներ, որտեղ գերակշռում են պատերազմները, և պարզապես աղքատ բնակավայրեր, որտեղ ընտանիքներն ապրում են աղքատության սահմաններից դուրս:
Նման դեպքերում առավել շատ տառապում են երեխաները: Եվ դա ոչ միայն Աֆրիկայում, այլև Ասիայում, Հարավային Ամերկայի մի շարք երկրներում և նույնիսկ Եվրոպայում: Այս երկրների երեխաները զրկված են իրենց մանկության ամենաարժեքավոր պահերից... նրանք ժամանակ և հնարավորություն չունեն խաղալու համար: Այս կապակցությամբ ստեղծվեց սոցիալական նախագիծ` աջակցելու 8-ից 14 տարեկան կարիքավոր երեխաներին, որը կոչվում է Ինտեր Կամպուս:
Շնորհիվ սև - կապույտ մարզաշապիկի, փորձառու մարզիչների և ֆուտբոլի ուսուցման ճիշտ կառուցվածքային սխեմայի, երեխաները ստանում են ուրախության այնպիսի, իրենց համար հազվագյուտ, պահեր, որոնք դառնում են էլ ավելի տեսանելի և հետաքրքիր: Ինտեր Կամպուսի ներկայացուցիչներն այցելում են քաղաքներ և գյուղեր, որտեղ երեխաների բարեկեցությունը լուջ մտահոգություն է առաջացնում:
Այս ծրագրի հիմնական գաղափարներն են`
- Ցույց տալ երեխաներին, որ ֆուտբոլը` խաղ է, որն ուրախություն է բերում
- Դաստիարակությունը
- Երեխաների խմբում պատշատ շփումը
- Համոզել, որ ցանկացած երազանք կարող է իրականանալ:
Թեև ֆուտբոլը հանդիսանում է նախագծի հիմքը, սակայն Ինտեր Կամպուսը ուշադրություն է դարձնում նաև դպրոցական ուսուցմանը, տեղական անձնակազմի տեխնիկական մակարդակին, տեղական մտածողության և սովորույթներին հետևելուն և հարգելուն:
Առաջնորդվելով այս սկզբունքներով, 1997 թվականից, Ինտեր Կամպուսը երկարատև սոցիալական համագործակցության մեջ է աշխարհի ավելի քան 22 երկրների հետ, մոտ 200 աշխատակիցների օգնությամբ, և օգտագործում է ֆուտբոլային գործունեությունը, որպեսզի դաստիարակի և ավելի քան 10.000 երեխաների վերադարձնի իրենց օրինական իրավունքը` խաղալու իրավունքը...
Դժվարին, եռանդուն, իրադարձություններով լի և լուրջ աշխատանքի արդեն մոտ երկու տասնյակ տարիներ նվիրված են հազարավոր երեխաների աշխարհի ամենատարբեր անկյուններում, ովքեր հագնում են սև-կապույտ մարզաշապիկը: Սա Ինտեր Կամպուսի 200 աշխատակիցների քրտնաջան աշխատանքն է, ովքեր ուժեղ եռանդով և մեծ սիրով իրենց նվիրում են այս երեխաների երջանկության և բարեկեցության համար: Սա է Ինտեր Կամպուսի աշխարհը:
Հսկայական քանակությամբ կյանքի պատմություններ են հավաքվել ծանր պայմաններում աշխատանքի տարիներին: Աշխատակիցների համառությունը, խիզախությունը և անսահման մարդկայնությունը երջանկություն են պարգևում երեխաներին: Նույնիսկ այնպիսի իրականություններում, ինչպես Բրազիլիան, Չինաստանը, Կամերունը, երկրներ, ոտտեղ պատերազմը ավիրել է ամեն ինչ, դեռևս կա ապագայի լուսավոր շող... և այդ շողը երեխաներն են!
Երկրներ որտեղ գործում է Ինտեր Կամպուսը`
Անգոլա, Արգենտինա, Բոլիվիա, Բոսնիա Հերց., Բրազիլիա, Բուլղարիա, Կամբոջիա, Կամերուն, Չինաստան, Կոլումբիա, Կոնգո, Կուբա, Հունգարիա, Իրան, Իսրայելը, Իտալիա, Լիբանան, Մեքսիկա, Մարոկկո, Պաղեստին, Պարագվայ, Լեհաստան, Ռումինիա, Թունիս, Ուգանդա, Վենեսուելան:
![](http://www.fcinter.am/marzadasht/world_map_201211_en.png)