Ինչպես հայտնում է La Gazzetta dello Sport -ը, Ինտերին հաջողվել է համաձայնության գալ Ատալանտայի հետ Ռոբերտո Գալյարդինիին ձեռք բերելու հարցում: Նույն պարբերականի համաձայն 22-ամյա ֆուտբոլիստը Ինտեր կտեղափոխվի վարձավճարով պարտադիր գնման տարբերակով: Տրանսֆերի համար ներաձուրիները կվճարեն 25-27մլն եվրո: Սպասվում է, որ գործարքը կկայանա 48 ժամերի ընթացքում:

Մեկ այլ պարբերական` Sky Sprots-ը, տեղեկացնում է, որ Ռոդրիգո Պալասիոն համաձայնվել է տեղափոխվել Բերգոմոն ներկայացնող թիմը: Ամենայն հավանականությամբ "պոչիկը" Ատալանտա կտեղափոխվի անվճար:

Նշվում է, որ Գալյարդինիի տրանսֆերը չի խանգարի Ինտերին ձեռք բերել ևս մեկ կիսապաշտպան: Եթե Ինտերին չհաջողվի իրականացնել Լուիս Գուստավոյի տրանսֆերը, ապա այլընտրանք կլինի Լուկաս Լեյվան: