Կոնդոգբիայի տրանսֆերը գրեթե կայացած է: Այժմ Պյերո Աուզիլիոն պետք է մեկնի երկրորդ ֆուտբոլիստի ետևից, ով պետք է համալրի ներաձուրրիների կիսապաշտպանական գիծը: Ինչպես տեղեկացնում են իտալական սպորտային ԶԼՄ-ները, խոսքը գնում է Ժանելի Իմբուլեյի մասին:

Երեկ հաղորդվում էր, որ միլանցիները ոչ միայն պայմանավորվել են ֆուտբոլիստի հետ, այլ նաև Մարսելի հետ 22-ամյա ֆուտբոլիստի տրանսֆերի շուրջ, որի գործարքը կկազմի 19մլն եվրո: Այսօր տեղեկություն է տարածվել, որ կողմերը փոխանակվել են բոլոր անհրաժեշտ փասթաթղթերով գործարքը իրականացնելու համար: Իմբուլայի համար պայքարին միացել են, նաև Արսենալը և Տոտենհեմը:

Ինչպես տեղեկացնում է La Gazzetta dello Sport-ը, Ինտերի ղեկավարները մտադիր են հնարավորինս շուտ ավարտին հասցնել գործարքը: Նույն պարբերականը նշում է, որ Էրիկ Տոհիրը պատրաստ է 27մլն եվրո ներդնել կիսապաշտպանի համար: Սպասվում է, որ վաղը ներաձուրրիները կիրականացնեն գործարքը: