Գաուդինո “ Ֆարֆանը հունվարին. Քիչ հավանական է”

Գլխավոր էջ » » Գաուդինո “ Ֆարֆանը հունվարին. Քիչ հավանական է”

18:26 Գաուդինո “ Ֆարֆանը հունվարին. Քիչ հավանական է”
ՖԻՖԱ –ի գործակալ Մաուրիցո Գաուդինոն գտնում է, որ այսօր գերմանական ֆուտբոլը վերելք է ապրում, և դա ապացուցում է նաև տրանսֆերային շուկան: CalcioMercatoWeb-ին տված իր հարցազրույցի ժամանակ նա պատմել է Գեֆերսոն Ֆարֆանի " Շալկե 04” –ից "Ինտեր” տեղափոխվելու խոսակցությունների մասին: - Ես կարծում եմ, այս տրանսֆերը հունվարին իրականացնելը քիչ հավանական է: Ֆարֆանը այժմ վերականգնվում է ծնկի ծանր վնասվածքից և նախընտրում է ամբողջովին վերականգնվել: Նա դուր է գալիս շատ իտալական ակումբների, և իմ կարծիքով, նա ի վիճակի է շատ բան ներդնել Սերիա Ա-ում, քանի որ Ֆարֆանը շատ որակյալ հարձակվող է, արագ է և լավ տեխնիկա ունի: Նա կփոխի իր ակումբը, բայց մրցաշրջանի ավարտին, այլ ոչ հիմա: Հիշեցնենք, որ Ֆարֆանի գործակալի խոսքերով, խաղացողը առաջին հերթին կփորձի երկարաձգել պայմանագիրը "Շալկե”-ի հետ ավելի լավ պայմաններով, բացի այդ ֆուտբոլիստին պահելու ցանկություն հայտնել է նաև "Շալկե”-ի մենեջերը` վերջերս տված հարցազրույցներից մեկում:
1 2 3 4 5 Դիտումներ: 1146 \| Ավելացրեց: tiko11 \| - Վարկանիշ -: 2.9/26