Էդգար Գուլարտը, ով զբաղվում է Դիեգո Ֆոռլանի "Ատլետիկո Մինեյրո" հնարավոր տեղափոխության բանակցություններով, այսօր կրկին խոսել է այդ ակումբի հետ, որպիսի պարզաբանի ուրուգվայցի խաղացողի հնարավոր տեղափոխության պայմանները: Լրագրողների հետ զրույցում Գուլարտը նշել է.

"Ես վաղուց ճանաչում եմ "Ատլետիկո Մինեյրոյի" նախագահին: Նա ինձ ասաց Ֆոռլանի նկատմամբ իր հետաքրքրության մասին, և ես հայտնեցի դա Դիեգոյին: Դիեգոն ցանկանում է խաղալ Բրազիլիայում, և հնարավոր է, որ գործն արդեն արված է":

Բանակցությունների ժամկետների մասին գործակալը նշեց.

"Մեզ անհրաժեշտ է առնվազն 20 օր այս բանակցությունների համար, սա բարդ գործարք է: Մենք խոսում ենք 2010թ-ի Աշխարհի առաջնության լավագույն ֆուտբոլիստի մասին: Երկու կողմերն էլ հետաքրքրված են, բայց սա այնքան էլ հեշտ չէ իրականացնել: Դիեգոյի հայրը խոսել է Բելո Օրիզոնտիի հետ և ես այդ մասին արդեն հայտնել եմ Դիեգոյին: Այսօր "Ատլետիկո Մինեյրոն" հեռանկարային է, սակայն կրկնում եմ, որ հեշտ չի լինի իրականացնել այս գործարքը":

Սակայն այս գործարքի իրականացման համար որոշիչ կլինի մայիսի 19-ը, երբ Կալիլը պլանավորում է ժամանել Եվրոպա` ներկա գտնվելու  Չեմպիոնների Լիգայի եզրափակիչ խաղին "Բավարիայի" և "Չելսիի" միջև: Այդ օրերին "Ատլետիկո Մինեյրոյի" նախագահը պլանավորում է հանդիպել Ֆոռլանի հետ, որպիսի փորձի կնքել այս գործարքը:

fcinter1908.it