Միլանի «Ինտերի» տեխնիկական տնօրեն Մարկո Բրանկան մեկնաբանել է թիմի հոլանդացի կիսապաշտպան Ուեսլի Սնեյդերի շուրջ ստեղծված իրավիճակը:

«Սնեյդերն ակումբի պատմության մի մասն է, և մենք հոգ ենք տանում նրա մասին, սակայն այժմ նրա հետ քննարկում ենք պայմանագրում փոփոխություններ կատարելու հնարավորությունը: Նրան ժամանակ կտանք մեր առաջարկության շուրջ մտածելու համար: Ակումբը և մարզիչը համաձայն են, որ Սնեյդերը դուրս չի գա խաղադաշտ, մինչև իրավիճակը չպարզվի», – Բրանկայի խոսքերը մեջբերում է Football Italia-ն:

Նշենք, որ 28-ամյա Սնեյդերն «Ինտերի» ամենաբարձր վարձատրվող ֆուտբոլիստն է` տարեկան ստանալով 6 մլն եվրո աշխատավարձ: «Ներաձուրիների» ղեկավարությունը ցանկանում է կրճատել ֆուտբոլիստի աշխատավարձը:

sportarmenia.com